As obras, descritas como "urxentes e necesarias", centrarase na substitución da cuberta, illamento térmico e melloras na climatización, ademais dunha ampliación de 656 metros cadrados para un novo vaso de piscina e espazos diáfanos para actividades deportivas. A intervención busca modernizar as instalacións e reducir custos enerxéticos.
Debido á magnitude das actuacións, que inclúen a renovación da estrutura, a piscina, a zona de cardio, o spa e as bancadas permanecerán pechadas ao público para garantir a seguridade. A previsión é que o complexo reabra as súas portas a finais de novembro.
“"Esta reforma é unha prioridade absoluta para o municipio. A veciñanza merece unhas instalacións modernas e eficientes, e non íamos deixar de loitar por este proxecto a pesar das dificultades e de ter que licitalo catro veces para que fose unha realidade."
“"Trátase dunhas obras urxentes e necesarias, especialmente o cambio da cuberta, debido á antigüidade das instalación e a oito anos de goberno marcados pola ausencia de mantemento e conservación de todas as instalación deportivas."
O Concello de Ponteareas coordinou estas obras coa empresa concesionaria e co Club de Natación, xestionando alternativas para minimizar as molestias. Parte das actividades do club e do complexo trasladaranse aos pavillóns municipais en xornada de mañá.
A administración local agradece a comprensión da veciñanza e dos usuarios ante este peche temporal, necesario para transformar o Complexo Álvaro Pino nun centro de referencia.
