As actuacións comezaron o pasado 31 de agosto no municipio de Mondariz, onde os axentes do posto de Ponteareas interviñeron as primeiras 11 plantas. A partir deste achado, os labores de vixilancia permitiron localizar novas plantacións en diferentes fincas e vivendas da zona.
O 11 de setembro, os axentes localizaron en Angoares, en Ponteareas, un invernadoiro cuberto con plástico que albergaba oito plantas de grandes dimensións. Tres días despois, o 14 de setembro, atopouse outra plantación en Padrones, tamén en Ponteareas, con 14 exemplares incautados.
A investigación continuou en Areas, onde se interveu unha planta, e finalizou este martes na estrada de Vilasobroso, en Mondariz-Balneario, onde se localizaron tres plantas máis ocultas nunha propiedade residencial.
