O Servizo Galego de Saúde (Sergas) busca así dotar os veciños e veciñas de Ponteareas dunhas instalacións máis amplas e accesibles, xa que o actual centro carece de espazo para medrar en servizos sanitarios.
O novo centro de saúde, que se construirá nunha parcela cedida polo Concello de Ponteareas, terá unha superficie construída estimada en máis de 5.700 m2 e un orzamento de execución material de 8,6 millóns de euros.
O plan funcional prevé unha área de adultos con 14 consultas de medicina de familia e outras tantas de enfermería, ademais de consulta de farmacia, sala de toma de mostras e sala de cirurxía menor. Tamén contará con consultas de respiratorio, odontoloxía, hixiene dental e radioloxía.
A área pediátrica disporá de catro consultas médicas, tres de enfermería e sala de respiratorio, xunto cunha sala de lactancia. O inmoble tamén albergará o Punto de Atención Continuada, a base do 061, a Unidade de Saúde Mental e a Unidade de Conductas Adictivas.
As empresas interesadas en participar neste procedemento teñen ata o vindeiro 25 de agosto para presentar as súas ofertas.
