A recente distinción como Festa de Interese Turístico de Galicia, xunto coa organización das procesións pola Cofradía de la Vera Cruz e unhas condicións meteorolóxicas favorables, foron factores clave para o éxito da Semana Santa en O Carballiño. A localidade consolidouse como un dos destinos máis atractivos da provincia durante estas datas, con hoteis cheos, restaurantes a rebosar e rúas ateigadas de xente.
Os actos litúrxicos e as procesións tradicionais, como as de Os Caladiños ou a Gloriosa Resurrección, foron o eixo central da programación. Estas actividades relixiosas complementáronse cunha variada oferta cultural, gastronómica e de ocio, que incluíu a exposición A Paixón segundo Playmobil 3.0, organizada pola Asociación Española de Coleccionistas de Playmobil (Aesclick), e o Festiclown, a cargo da Escola Galega de Clown.
“"Os datos de visitantes de estes últimos días confirman e consolidan á nosa vila como a de maior tirón turístico da provincia, froito dun traballo de promoción constante durante os últimos anos e do bo facer da nosa hostalería, que ten feito da nosa gastronomía un polo de atracción."
Segundo os datos da Oficina de Turismo, o perfil predominante dos visitantes foron parellas con fillos pequenos, procedentes maioritariamente de Galicia, Madrid, Castela e León, País Vasco, Cataluña, Andalucía e Asturias, ademais dalgunhas visitas internacionais, como de Cuba. Estes visitantes mostraron un grande interese tanto pola programación relixiosa como pola gastronomía local.
“"A Semana Santa desenvolveuse con gran participación, solemnidade e respecto, consolidándose como unha das celebracións máis importantes da nosa vila. Con humildade e orgullo, seguiremos traballando para manter viva esta tradición, conscientes de que a Semana Santa non é só unha celebración, senón unha expresión profunda da nosa identidade, da nosa fe e do noso sentir como pobo."
