Un motorista foi evacuado en helicóptero tras sufrir un accidente de tráfico na tarde deste luns no municipio de Malpica de Bergantiños. O suceso produciuse ás 17:00 horas cando a motocicleta colidiu frontalmente cun turismo no quilómetro 4 da DP-4307. O ferido quedou tendido no chan, o que motivou a mobilización do helicóptero medicalizado do 061, que o trasladou ao hospital de referencia.
Pouco despois, ás 17:17 horas, rexistrouse outro accidente na estrada PO-552, ao seu paso polo termo municipal de Oia. Neste caso, a colisión foi frontolateral entre unha motocicleta e un turismo. O condutor da motocicleta resultou ferido de gravidade, mentres que o condutor do turismo resultou ileso.
