Durante a conmemoración dos 25 anos de relación entre o Colexio de Enxeñeiros de Camiños, Canles e Portos e a Ordem dos Engenheiros de Portugal, celebrada na Ponte Internacional de Tui, a conselleira fixo fincapé na contribución deste sector profesional.

Martínez Allegue subliñou que os enxeñeiros son un alicerce esencial non só no proxecto e construción, senón tamén no desenvolvemento e conservación das infraestruturas. A súa labor é crucial para a cohesión territorial, o fomento da accesibilidade e o reforzo da seguridade viaria nos desprazamentos diarios entre ambos os dous lados da fronteira.

Ademais, a titular de Infraestruturas aproveitou a súa intervención para reiterar a demanda ao Goberno central de rescatar e transferir a autoestrada AP-9, que vertebra a comunidade e que, segundo as súas palabras, "precisamente arrinca ou remata, segundo se mire, en Tui".