O alcalde de Porto do Son, Luis Oujo, exerceu de anfitrión institucional ao recibir onte ás conselleiras do Mar, Marta Villaverde, e de Política Social e Igualdade, Fabiola García, para participar nos actos na honra da Virxe do Carme do Porto do Son deste ano 2026.
Os actos comezaron coa procesión terrestre desde a capela da Atalaia ata a explanada portuaria. Alí celebrouse a misa e realizouse unha ofrenda en recordo das persoas que perderon a vida no mar. A ofrenda realizouse baixo carpa situada no porto, porque a choiva impediu a saída da procesión marítima.
A comitiva institucional destacou a forte vinculación desta celebración coa identidade mariñeira do Porto do Son e coa historia das familias que durante xeracións fixeron do mar o seu medio de vida.
Este evento pon en valor a conservación destas tradicións, expresión da devoción á patroa das xentes do mar, do recordo aos mariñeiros falecidos e do recoñecemento ao traballo diario dos profesionais do sector marítimo-pesqueiro.
