Os municipios de Noia, Outes e Lousame colaborarán no obradoiro dual de emprego Noia-Outes-Lousame 2026. Este proxecto, que conta cunha subvención da Xunta de Galicia de 522.052 euros, formará e contratará a 20 alumnos-traballadores en actividades forestais e mellora ambiental. As especialidades inclúen aproveitamentos forestais e conservación de montes.
“"Supón unha oportunidade clave para mellorar a empregabilidade da veciñanza e avanzar na conservación do noso entorno natural."
Pola súa banda, os concellos de Muros e Carnota organizarán o obradoiro dual de emprego Oe Monte Feixa, tamén para 20 persoas. Este programa centrarase en módulos de aproveitamentos forestais e xestión da biomasa, así como en actividades auxiliares de conservación e mellora de montes.
Na Costa da Morte, os municipios de Carballo e Coristanco desenvolverán o obradoiro Lubiáns II, cunha subvención de 501.552 euros. Este obradoiro ofrecerá dúas especialidades: atención sociosanitaria a persoas dependentes en institucións sociais (8 alumnos) e montaxe e instalación de construcións de madeira (12 alumnos).
Finalmente, o Concello da Laracha celebra a décima edición do seu obradoiro de emprego, A Laracha X, cun orzamento total de 673.000 euros, dos cales 474.552 euros son achegados pola administración autonómica. Vinte alumnos-traballadores especializaranse en instalación e mantemento de xardíns e zonas verdes, e en traballos de carpintería e moble. As prácticas incluirán a renovación de pontes de madeira na área recreativa de Gabenlle e melloras en parques e zonas verdes do municipio.
