Rodríguez Patiño, párroco de Xestoso (Monfero) e Cambás (Aranga) na Coruña, e de Momán (Xermade) e Labrada (Guitiriz) en Lugo, expresou a súa "vergoña, indignación e dor máis profunda" ante a actuación de certos membros da Igrexa. As súas declaracións prodúcense pouco despois de que o Vaticano arquivase un caso de pederastia contra o ex-bispo español Rafael Zornoza, alegando non poder determinar a idade da vítima no momento dos feitos.
“"Son terroristas morais polo terror que a súa conduta provocou. Terror nos menores, que sufriron abusos irreparables por parte de quen debía coidarlles. Terror nas familias, abandonadas, ignoradas ou silenciadas cando buscaban xustiza. Terror na sociedade, ao comprobar que quen predican o ben protexeron o mal. Este terror non é unha esaxeración, é a consecuencia directa do silencio, a complicidade e o encubrimento."
O sacerdote subliña que, durante décadas, moitos bispos "non estiveron á altura da súa responsabilidade", optando polo silencio e a ocultación en lugar de denunciar e defender ás vítimas. Para Patiño, este silencio non foi prudencia, senón "complicidade", e o encubrimento non foi un erro, senón "inxustiza".
O párroco insiste en que non se trata de "casos illados", senón dun "problema estrutural" derivado dunha concentración de poder sen control, unha cultura clerical pechada e unha grave falta de transparencia. Defende que a Igrexa debe someterse plenamente á lei civil, colaborar cos tribunais e centrarse nas vítimas, escoitándoas, crendo nelas e acompañándoas.
