Os representantes populares na Cámara Alta, José Manuel Barreiro, José Manuel Balseiro e Juan Serrano, urxen ao Goberno a mellorar as condicións do cuartel, destacando a escaseza de persoal e de recursos materiais.
Segundo a denuncia dos populares, o catálogo desta unidade prevé un sargento, un cabo e seis axentes, pero na actualidade só hai un sargento e dous gardas civís en activo. Esta situación, sinalan, dificulta a cobertura das necesidades da zona.
Ademais da falta de persoal, critican a escaseza de medios materiais. Un dos vehículos do posto leva meses no taller, e o segundo sufriu unha avaría que obrigou a substituílo temporalmente por un prestado doutra unidade, o que evidencia o estado precario dos recursos dispoñibles.
“"O Goberno non pode mirar para outro lado mentres se baleiran de efectivos os postos da Garda Civil no rural"
Esta iniciativa súmase ás crecentes preocupacións sobre o "abandono do rural" e a necesidade de garantir a seguridade e os servizos públicos en todas as comarcas, especialmente aquelas con menor densidade de poboación pero con alta afluencia turística como a ruta xacobea.
