A actuación, que será financiada na súa totalidade pola Xunta de Galicia, inclúe traballos de movemento de terras, drenaxes e a execución de firmes. O obxectivo é acondicionar unhas vías que presentan un estado de conservación deficiente debido ao paso do tempo e ao uso continuado.
O goberno local busca con esta intervención reforzar a seguridade viaria, facilitar a mobilidade dos veciños e garantir unhas mellores condicións de acceso a ambos os núcleos rurais, priorizando o mantemento da rede viaria municipal.
A prioridade é manter a rede viaria no mellor estado de conservación posible.
O alcalde de Friol, José Ángel Santos, destacou a importancia desta actuación e agradeceu a colaboración da Xunta, subliñando "a sensibilidade e o compromiso do Goberno galego co rural e coa mellora das infraestruturas".
