A competición, que se enmarca dentro das festas do barrio da Piringalla, promete unha xornada chea de diversión e competitividade. Os organizadores agardan superar os cen participantes, dada a gran acollida que sempre tivo entre os veciños de Lugo.
Como novidade para esta edición tan especial, os premios duplicaranse. O gañador recibirá 60 euros, o segundo clasificado levará 40 euros e o terceiro obterá 20 euros. A inscrición, cun custo de dous euros, abrirase este mércores e poderá realizarse na cervexaría Gol.
“"Moitos anos tiven que pechar a inscrición antes de tempo porque non paraba de apuntarse xente. Agardamos pasar dos 100 participantes."
O obxectivo principal desta décima edición é superar o actual récord mundial de lanzamento, establecido en 14 metros. O evento, que tivo as súas primeiras sete edicións na cervexaría Conde de Lamas de Prado, retomouse na Piringalla hai tres anos tras unha pausa pola pandemia, consolidándose como unha cita ineludible.
