Os feitos tiveron lugar arredor das oito e media da tarde na Avenida dos Deportes, onde se despregara un dispositivo de seguridade con motivo do partido entre o Club Deportivo Lugo e o Club de Fútbol Talavera. Segundo confirmou un voceiro do corpo, o individuo intentou entrar ao recinto en "aparente estado de embriaguez", sendo interceptado polo persoal de seguridade.

Ante a negativa de acceso, o home comezou a mostrarse "agresivo" e a proferir "insultos e ameazas" contra os axentes da Policía Nacional que interviñeron. Durante o altercado, tanto o detido como un dos policías sufriron lesións de carácter leve, requirindo asistencia sanitaria.

Finalmente, os axentes procederon á detención do individuo como presunto autor dun delito de ameazas e atentado contra a autoridade. Ademais, tramitáronse varias propostas de sanción administrativa por infraccións relacionadas coa normativa deportiva e por posesión de substancias estupefacientes, as cales foron incautadas.