A sesión permitiu aos asistentes coñecer como obter o máximo rendemento da plataforma gratuíta de préstamo dixital eBiblioDaCoruña, que inclúe libros, audiolibros, prensa e outros materiais dixitais. A Deputación da Coruña pon este servizo á disposición da cidadanía.
Durante o obradoiro tratáronse diversos trámites, como as altas na plataforma, as diferentes opcións de lectura (en liña, offline e descargas), o procedemento para enviar suxestións de compra, e o acceso e participación nos clubs de lectura e outras experiencias de aprendizaxe dixital.
