A pesar dun torneo moi completo, as xogadoras Elena Baldonedo, Mara Morandeira, Carmela Permuy e Irene Arias non puideron avanzar á seguinte rolda. O equipo da cidade naval só cedeu un encontro antes de chegar a esta fase decisiva.
O derbi galego estivo marcado pola intensidade e as grandes accións de ambos os equipos, co apoio dun público entregado aos representantes autonómicos. As oito xogadoras deron o máximo para que os seus respectivos clubs acadaran as semifinais.
“"Máis aló do resultado final, a presenza entre os oito mellores equipos do Campionato de España supón un importante éxito para as xogadoras e para o Baxi Ferrol, que continúa consolidándose como unha das referencias do baloncesto feminino de formación en Galicia e no conxunto do Estado. Desde o club queremos felicitar a Mara Morandeira, Irene Arias, Carmela Permuy e Elena Baldonedo polo seu compromiso, esforzo e excelente representación das cores."
O club felicitou ás súas pupilas polo seu gran campionato, destacando o compromiso e o esforzo que as levaron a ser unha referencia no baloncesto feminino de formación.
