A conselleira de Vivenda e Planificación de Infraestruturas, xunto á delegada territorial da Xunta en Ferrol, asistiu ao sorteo destas 48 vivendas públicas en alugueiro, situadas no barrio do Bertón. O remate das obras está previsto para o primeiro trimestre do vindeiro ano.
O sorteo realizouse por cupos, tendo en conta a composición familiar e o número de dormitorios. Destaca un cupo específico para menores de 36 anos, co obxectivo de facilitar a emancipación da mocidade.
Os importes de alugueiro destas vivendas serán accesibles, oscilando entre os 130€ e os 360€ mensuais. A Xunta anunciou que haberá máis sorteos, xa que ten en marcha 7 promocións con máis de 350 fogares públicos na cidade.
As persoas que participaron no sorteo estaban inscritas no Rexistro único de Demandantes de Galicia e residen ou traballan en Ferrol, requisitos necesarios para acceder a estes fogares.
