As actuacións, que comezaron cunha achega inicial de 900.000 euros, teñen como obxectivo principal reparar os danos causados polas borrascas de xaneiro e febreiro. Unha vez realizada unha inspección detallada da estrutura, instalarase un dique flotante con elementos de formigón para aumentar a resistencia do abrigo do peirao e repararanse as instalacións afectadas.
“"Esta actuación tramitouse por procedemento de emerxencia tras os danos causados polo tren de borrascas de xaneiro e febreiro. O obxectivo é evitar riscos para os usuarios, a flota e os servizos do porto."
Ademais, Portos de Galicia informou da nova licitación para as obras de estabilización do talude na parte traseira da lonxa. O orzamento base para esta intervención ascende agora a 290.000 euros, o que representa un incremento de máis de 100.000 euros respecto á anterior convocatoria, que quedara deserta.
Finalmente, xa se contratou a dragaxe do porto por un importe de 140.000 euros. Prevese que estas obras comecen no verán, aproveitando as condicións climatolóxicas máis favorables. En conxunto, o investimento total do ente público nas melloras portuarias de Barallobre superará os 1,1 millóns de euros.
