A xira ao río servirá mañá venres para pechar a Festa das Peras en Pontedeume. A celebración terá lugar na Xunqueira, onde se organizou unha comida cidadá ao son das gaitas. Pola noite, a banda La Solución porá o broche musical ás festas.
As Festas das Peras de Pontedeume iniciáronse esta mañá co tradicional concurso de froitas, que deu orixe a estes festexos a comezos do século XIX. A xornada continuou esta tarde coa cronoescalada a Pontedeume.
Mentres tanto, no Concello de Fene, estanse a realizar traballos de poda do arborado urbano en rúas como Marqués de Figueroa e Naturais de Fene. Estes labores forman parte das tarefas que desenvolve a Concellería de Medio Ambiente.
A demanda de prazas nos ciclos formativos no IES de Fene segue a medrar. Este curso, o centro tamén ofrecerá formación complementaria de inglés tanto ao seu alumnado como a estudantes doutros centros educativos, coa implantación do programa.
No ámbito da memoria histórica, localizáronse restos de tres vítimas da represión franquista na foxa de Serantes, en Ferrol. Estímase que arredor de 200 persoas foron asasinadas neste lugar.
O curso escolar comezou con protestas do profesorado no ensino concertado, que protagonizaron paros parciais entre as 9 e as 12 horas neste primeiro día.
Dous veciños de Neda foron detidos e acusados de dous roubos e un furto cometidos no concello.
A Oficina de Turismo de Fene recibiu máis de 2.300 persoas en dous meses, a gran maioría peregrinos. A concelleira de Promoción Económica e Turismo, Ángeles Coira, balanceou os datos turísticos.
Os escolares de primaria e secundaria rematan hoxe as súas vacacións de verán, á espera do inicio do curso escolar 2026-2027.
O documental “Mulleres da Reconversión” proxectarase este venres 11 de setembro na Filmoteca de Galicia, na Coruña, ás 18.00 horas.
A vida universitaria volve ao Campus Industrial de Ferrol, que xa recibiu aos seus primeiros estudantes para o curso 2026-2027. Ana Ares, vicerreitora do Campus, deu a benvida aos alumnos.
