O home, residente na parroquia de Camanzo, foi atopado por un voluntario de Protección Civil preto da súa vivenda. A familia alertara da súa desaparición tras non conseguir localizalo dende a tarde do sábado.
A Garda Civil iniciou un operativo de busca que se prolongou ata a madrugada, contando coa colaboración de efectivos de Protección Civil. Finalmente, pasadas as 09:00 horas do domingo, o voluntario deu co paradoiro do desaparecido.
Tras ser localizado, o octoxenario presentaba signos de hipotermia, polo que foi inmediatamente trasladado para recibir atención médica no Hospital Clínico de Santiago.
