Esta nova iniciativa busca dar resposta á demanda de mozas, opositores e persoas que compaxinan o traballo cos estudos, eliminando as barreiras horarias para facilitar o acceso ao estudo en calquera momento do día ou da noite.
A sala estará equipada con tecnoloxía avanzada. O acceso realizarase a través da aplicación móbil Tarxeta Cidadá Lalín Infinito. Esta ferramenta permitirá consultar o aforo en tempo real, reservar espazos e mesmo acender a luz ou abrir a porta directamente dende o teléfono. Ademais, os postos de estudo contarán con conexión eléctrica individual, tomas USB e unha rede wifi de alta capacidade.
En canto á sustentabilidade, a iluminación será de baixo consumo con tecnoloxía LED e haberá sistemas de control enerxético e térmico para garantir un uso eficiente durante as 24 horas. O investimento total superou os 17.000 euros, destinados á dixitalización, domótica e mobiliario específico. Este proxecto presentouse ao amparo da Orde do 12 de marzo de 2026 da Consellería de Cultura, Lingua e Xuventude.
