A SD Compostela enfróntase este domingo ao Atlético Coruña Montañeros no estadio de San Lázaro ás 18:00 horas, co obxectivo de consolidar o seu liderado. O equipo mantén unha vantaxe de dous puntos sobre o Arosa a falta de catro xornadas para o remate da competición.
“"O importante é que teñamos fame, moita fame de ser mellores, de crecer e de pelexar ao máximo polo noso obxectivo."
O técnico do conxunto branquiazul resaltou a necesidade de afrontar os encontros restantes con ambición e mentalidade gañadora. Tamén fixo un chamamento á afección, destacando a relevancia de que o público sinta o compromiso do equipo e que todos traballen xuntos para acadar os obxectivos marcados.
Sobre o rival, o Atlético Coruña Montañeros, o adestrador describiu un equipo con "un estilo moi definido e con mecanismos bastante marcados, tanto a nivel defensivo como ofensivo". Subliñou o seu potencial ofensivo, con xogadores que "xogan moi escalonado, con moitas alturas e cos puntas moi abertos", o que esixirá unha gran concentración defensiva por parte do Compostela.
En canto ás baixas, Jorge Valín podería estar dispoñible a pesar dunhas molestias no ombreiro, mentres que Zuba será baixa confirmada por un escordadura de nocello. O técnico concluíu expresando o seu desexo de "dar unha alegría á afección" e rematar a tempada coa satisfacción do traballo ben feito.
