Debido á convocatoria das eleccións ao Parlamento de Galicia 2020, o Concello de Curtis informa da exposición pública do Censo Electoral. O prazo estenderase dende o luns 25 de maio ata o martes 1 de xuño, ambos os dous incluídos, segundo o establecido na Lei orgánica de réxime electoral xeral.
Os cidadáns poderán realizar a consulta do censo nas oficinas do Concello de Curtis, solicitando cita previa nos teléfonos 981.789.003 ou 981.777.105.
Ademais, estará dispoñible un servizo de consulta en internet a través da sede electrónica do INE ([https://sede.ine.gob.es/consulta_electoral_elecciones](https://sede.ine.gob.es/consulta_electoral_elecciones)). Tamén se poderá consultar telefonicamente no número 901.101.900, de luns a sábado de 9:00 a 14:00 horas, e o luns 1 de xuño de 9:00 a 14:00 e de 16:00 a 18:00.
Durante o período de exposición, os residentes con dereito a voto no municipio poderán presentar reclamacións administrativas sobre a súa inclusión ou exclusión no censo. Para iso, deberán acudir ás oficinas municipais coa súa documentación (DNI, pasaporte ou permiso de conducir) e achegar unha fotocopia á reclamación.
O Concello anima especialmente á consulta do censo ás persoas que cumpriron recentemente os 18 anos e a aquelas que cambiaron de domicilio nos últimos meses.
Terán dereito de voto neste municipio as persoas empadroadas ata o 27 de febreiro de 2020. Quen se empadroasen con posterioridade a esta data, poderán votar no concello de procedencia.
