A actuación, impulsada polo Plan Hurbe e adxudicada á empresa Excavaciones y Obras Candal, S.L., centrarase na mellora do estado do firme das vías destes dous lugares da parroquia de Santa María de Ois.
As intervencións inclúen a renovación dos pavimentos, a posta a nivel das tapas con formigón e a limpeza de drenaxes lonxitudinais.
O investimento total roza os 128.829,85 euros. A Xunta, a través do departamento que dirixe María M. Allegue, asumirá o 70% do orzamento, mentres que o Concello de Coirós achegará o 30% restante e encargarase do mantemento posterior.
Estas obras enmárcanse nun convenio de colaboración asinado en maio entre ambas as administracións, co obxectivo de revitalizar o territorio e reequilibrar o desenvolvemento nos municipios galegos.
