A proposta urbanística contempla a edificación de 3.065 novas vivendas no municipio, das cales 300 terán a cualificación de protección oficial. A alcaldía confirmou que o texto será debatido na sesión plenaria tras o proceso de redacción do plan.
Aínda que o goberno local asegura que se buscou o consenso con todas as forzas políticas, a aprobación definitiva non está garantida. O BNG xa manifestou o seu rexeitamento ao documento actual, cuestionando puntos clave da planificación proposta.
“"No BNG cremos que Betanzos necesita un PXOM, mais necesitamos un bo PXOM: que garanta calidade de vida, vivenda accesible, protección do patrimonio cultural e medio ambiental e un desenvolvemento ordenado."
As discrepancias dos nacionalistas céntranse na urbanización da zona de O Carregal. Segundo a formación, permitir actuacións en áreas inundables ou non garantir a protección suficiente do patrimonio e dos espazos naturais supón un risco para o futuro desenvolvemento de Betanzos.
