As obras, que supoñen un investimento de 50.362,05 euros, contaron cunha cofinanciación da Consellería de Presidencia, que achegou 35.000 euros. O alcalde, Javier Caínzos, destacou o incremento da demanda deste servizo municipal e a necesidade de ampliar o espazo para acoller o crecente número de usuarios. Tamén se está a realizar unha intervención similar no ximnasio de Teixeiro, onde o número de usuarios supera as 400 persoas entre ambos os centros.
Para a ampliación do ximnasio de Curtis, reordenouse o espazo, eliminando a sala independente de sauna e hidromasaxe e integrándoa na sala principal. Conservouse a cabina de sauna. A intervención tamén incluíu melloras na instalación eléctrica, climatización, renovación de aire e sistema contra incendios.
En Teixeiro, pecharase e cubrirase o patio descuberto anexo á sala de máquinas para crear unha nova sala polivalente de 40,58 metros cadrados. Tamén se realizarán melloras na instalación eléctrica, iluminación e climatización. O Concello prevé seguir avanzando na mellora de ambos os ximnasios.
