O obxectivo principal desta iniciativa é garantir a seguridade viaria, comprobar que os vehículos se atopan en bo estado e, en consecuencia, reducir a sinistralidade nas estradas do municipio.
A revisión da ITV garante que elementos esenciais como os pneumáticos, as luces ou os freos estean en condicións óptimas. Pola súa banda, o seguro obrigatorio é fundamental para que calquera incidente poida ser cuberto pola póliza.
Circular coa ITV caducada pode supoñer unha multa de 200 euros, mentres que facelo cun vehículo que obtivo un resultado negativo na inspección pode acarrear unha sanción de 500 euros. Ademais, a falta do seguro obrigatorio constitúe unha infracción moi grave con sancións económicas elevadas e a posibilidade de depósito ou precinto do vehículo.
Por iso, a Policía Local recomenda á cidadanía que comproben e revisen que dispoñen de toda a documentación e revisións necesarias en vigor para asegurar a súa propia seguridade e a do resto de condutores.
