O sinistro, que se orixinou nun galpón con material inflamable de orixe vexetal, foi detectado sobre as 08.44 horas. Ata o lugar desprazáronse dous vehículos motobomba e outros tantos camións dos Bombeiros de Arzúa, xunto con efectivos de Protección Civil de Boqueixón, que traballaron para sufocar as chamas.
Segundo as primeiras hipóteses, o incendio puido ser provocado pola humidade acumulada nas pacas de palla. As altas temperaturas rexistradas na zona poderían favorecer a autocombustión do material vexetal, desencadeando o lume.
Afortunadamente, non houbo que lamentar danos persoais. O alcalde de Boqueixón, Ovidio Rodeiro, desprazouse ata o lugar e sinalou que o incidente unicamente causou danos materiais, valorando positivamente a rápida e eficaz resposta dos efectivos de emerxencia.
