O Concello de Monterroso avanza no seu plan de mellora de infraestruturas rurais con novas actuacións nos núcleos de San Lourenzo e Vilanova. As obras, financiadas a través do Plan de Cooperación cos Concellos, supuxeron un investimento superior aos 40.000 euros e permitiron acondicionar varios camiños municipais que presentaban un importante deterioro.

O alcalde, acompañado por membros do equipo de Goberno, visitou as zonas onde xa se completaron os traballos. Destacou a importancia destas actuacións para mellorar a mobilidade e os accesos no rural do municipio.

Ademais, avanzou que o Concello continuará impulsando novas melloras na rede viaria local. "Próximamente iniciarase a licitación para o arranxo e mellora de máis vías rurais en distintos puntos do Concello de Monterroso", sinalou o alcalde.

Desde o Goberno local subliñan que este tipo de investimentos resultan fundamentais para manter en boas condicións as comunicacións nas parroquias e garantir servizos axeitados aos veciños do rural.