O deportista, que foi atropelado por un coche na Nacional 120 no municipio de Covelo o pasado domingo, atópase na UCI do Hospital Álvaro Cunqueiro. Aínda que a súa recuperación será longa, a comunidade ciclista galega quere mostrar o seu apoio e solidariedade.
Este xesto de apoio, descrito como un "símbolo de vida, forza e apoio compartido", terá lugar ao comezo de todas as competicións ciclistas programadas para esta fin de semana. A iniciativa busca tamén concienciar sobre a necesidade de mellorar a seguridade viaria para os ciclistas e evitar futuros incidentes.
“"Queremos trasladar o noso alento e desexo de recuperación, así como o noso afecto e acompañamento á súa familia nestes momentos tan duros. O ciclismo galego é unha familia, e cando un dos nosos sofre, sufrimos todos. Esta fin de semana queremos lembrar que isto non vai de licenzas, nin de cores, nin de equipos, nin de ideas. Isto vai de persoas. De convivencia. De respecto. De protexer a quen usa a bicicleta cada día."
Entre as probas que se sumarán a esta homenaxe atópanse a III XCO Samieira, a XXXVIII Promoción de Ciclismo de Boiro, a Ourense Strade Termal, a Transgalaica Friol e a DH Molinos O Páramo, demostrando a unión do sector ante esta situación.
