A proba, organizada por Arco Narón, está dividida en 14 categorías, desde prebenxamíns ata a categoría absoluta, e desenvolverase durante todo o día. A competición comezará ás 9.00 horas coa recepción de participantes e as probas das categorías inferiores, mentres que as categorías adultas terán lugar a partir das 14.15 horas.
A alcaldesa de Narón, Marián Ferreiro, destacou o orgullo de acoller esta competición, que pon de manifesto a afección polo tiro con arco na cidade. O vicepresidente do club Arco Narón, Anxo Grandal, mostrou a satisfacción pola participación, a pesar do cambio no calendario galego, e sinalou a crecente presenza de mulleres nas categorías inferiores.
“"Para Narón é un orgullo acoller de novo esta proba. Un ano máis, a Gándara énchese de deportistas de todas as idades, e iso fala tanto do club organizador como da afección que hai ao tiro con arco na nosa cidade."
Competirán un total de 17 clubs, 16 deles galegos e un de Asturias. Segundo indicou Anxo Grandal, a distribución por sexos no club naronés está xa case no 50%.
