A actuación céntrase na rehabilitación das vías forestais que sufriron graves danos a causa do incendio que arrasou 2.750 hectáreas no municipio o ano pasado. O alcalde, Dani Vega, explicou que se retirou a madeira queimada e se traballa para mellorar a infraestrutura, permitindo que camións poidan cargar directamente dende as parcelas sen deteriorar as pistas.
O impacto do lume foi especialmente significativo nas parroquias de Cedofeita e Piñeiro. O plan de actuación inclúe a creación de pistas de seis metros de ancho e unha limpeza profunda das vías, tanto forestais como agrarias, para facilitar o acceso e o mantemento.
Esta iniciativa forma parte dunha xestión orzamentaria ante a Consellería de Medio Rural, que xa colaborou con Ribadeo en plans de limpeza de pistas de concentración e agrarias na costa. O obxectivo é continuar coa mellora destas infraestruturas en varias parroquias do concello.
