A terceira edición do ciclo musical A Coruña LiveXperience by Caixabank arrincará o 1 de outubro coa actuación de Silvia Pérez Cruz. O concerto terá lugar no Palacio da Ópera ás 20:30 horas.
Tras o lanzamento do seu último traballo discográfico, Oral_abisal, a artista catalá presentará un formato máis íntimo, acompañada unicamente pola súa guitarra. Esta actuación promete xerar unha conexión especial co público coruñés, que xa tivo ocasión de desfrutar da súa música noutras ocasións.
As entradas para o concerto sairán á venda este venres 31 de agosto a partir das 11:00 horas. Poderanse adquirir tanto na taquilla da praza de Ourense como na plataforma online de Ataquilla, cun prezo que oscilará entre os 42 e os 45 euros, dependendo do sector.
Silvia Pérez Cruz únese así á programación xa confirmada, que inclúe as actuacións de Zucchero (2 de outubro), The Amy Whinehouse band (3 de outubro), Kiko Veneno (13 de novembro) e Marta Santos (28 de novembro).
