A iniciativa autonómica, que ofrece asesoramento individualizado e gratuíto, xa realizou preto de 6.700 titorías na provincia, tanto en liña como presenciais, para apoiar as ideas de negocio nas súas diferentes fases de desenvolvemento.
Destaca que preto do 60% dos proxectos asesorados na Coruña están impulsados por mulleres. Os sectores predominantes son os servizos (22%), o comercio (19%) e a hostalaría (13%).
A Rede de polos tamén ofrece acompañamento para a transmisión de negocios en funcionamento a través do programa Bono remuda, cun orzamento de 1,5 millóns de euros aberto ata o 30 de setembro.
No conxunto de Galicia, a rede conta con 15 oficinas activas e xa atendeu máis de 7.100 iniciativas, realizando máis de 22.300 titorías e 2.800 actividades en toda a comunidade.
Esta rede forma parte da aposta estratéxica do Goberno galego por apoiar a innovación, fixar poboación no rural e potenciar as oportunidades de negocio locais.
