O aviso recibiuse no servizo de emerxencias 112 Galicia arredor das 8.40 horas. A partir dese momento, activouse un dispositivo de rescate no que participaron efectivos de Salvamento Marítimo, a Gardacivil, a Policía Local, Protección Civil de Arteixo e o servizo de Gardacostas de Galicia.
As tarefas de remolque, nas que colaborou a embarcación Salvamar Betelgeuse, resultaron infrutuosas debido á complexidade da zona, próxima ao dique do porto exterior. Finalmente, a Coordinadora para o Estudo dos Mamíferos Mariños (Cemma) confirmou que o animal se afundiu no fondo mariño xa sen vida.
Desde a organización científica desmentiron que o varamento fose provocado por un ataque de orcas, tal e como se especulou inicialmente nas redes sociais. Tras a revisión externa do exemplar, os técnicos descartaron indicios de colisión ou agresións doutros animais.
