A intervención, que se prevé licitar no primeiro trimestre de 2027, creará seis aulas novas, permitirá unha nova organización de espazos e ofrecerá así unha maior calidade educativa ao alumnado.
A principal actuación consiste na construción dun andar máis sobre o comedor, onde se crearán catro aulas novas de Primaria. Na planta baixa, ampliarase unha aula de Infantil e crearanse outras dúas novas na actual aula de psicomotricidade. Ademais, unificarase o actual comedor para acoller a todos os usuarios e o outro cambiará o seu uso a aula de psicomotricidade. No exterior, habilitarase un novo patio de xogos.
O proxecto tamén inclúe a ampliación dos ventanais para mellorar a iluminación e ventilación das aulas de infantil da zona noroeste, a adaptación dos aseos da planta baixa e a redistribución da zona do profesorado. Os traballos comezarán arredor de xuño de 2027.
Esta actuación eleva a 12 millóns de euros o investimento do Goberno galego en obras de mellora dos centros educativos da área da Coruña, no marco do Plan de nova arquitectura pedagóxica. Na cidade herculina, destínanse 24 millóns de euros a renovar as instalacións de 40 colexios e institutos.
Entre outras actuacións destacadas na área, menciónanse a ampliación do Instituto de Pastoriza (Arteixo, 2,1 M€), e as rehabilitacións integrais do Colexio Pedro Barrié de la Maza (Sada, 1,6 M€) e do Instituto Manuel Murguía (Arteixo, 1,3 M€).
