A ruta, que se celebrará o sábado 6 e o domingo 7 de xuño, xa conta coa adhesión de máis dunha ducia de establecementos hostaleiros. O obxectivo principal é apoiar ao sector e atraer visitantes, destacando un produto 100% local.

A concelleira de Comercio, Isabel López, sinalou que esta proposta segue a liña doutras iniciativas como o concurso 'Tapeando Carral', co fin de impulsar e dar a coñecer o traballo dos hostaleiros da localidade.

Durante as xornadas da ruta, os asistentes poderán degustar diferentes propostas culinarias elaboradas co pan de Carral como ingrediente estrela. Cada consumición terá un prezo fixo de 5 euros, que incluirá a tosta e unha bebida.

Os establecementos interesados en participar aínda poden poñerse en contacto co Concello de Carral para obter máis información sobre como unirse a esta primeira edición da iniciativa.