Estas axudas, destinadas a fomentar a innovación e a sostibilidade no comercio local e artesanal, distribuíronse este ano entre un total de 792 establecementos de toda Galicia, cun importe próximo aos 4 millóns de euros. Na provincia da Coruña, foron apoiados 286 comercios, entre eles as tendas de roupa Freesia e El Cantón en Betanzos, visitadas polo director xeral.
Ademais, Alén referiuse ás achegas para impulsar a actividade dos centros comerciais abertos. Este ano, repartíronse máis de 2,35 millóns de euros entre 56 entidades, das cales 18 atópanse na provincia da Coruña, cun montante global de preto de 733.000 euros. O CCA de Betanzos foi unha das entidades beneficiarias.
O representante autonómico puxo en valor accións como a actual campaña de outono en Betanzos, que anima a consumir no comercio local ata o 13 de outubro co sorteo de dous bonos de 75 €. Tamén mencionou apoios consolidados como o Bono Activa Comercio, no que os comercios visitados teñen participado e do que se prevé unha segunda edición este ano.
