Un incendio forestal iniciouse na noite do domingo ao luns, sobre as 0:25 horas, nas proximidades da estrada que une Manín e Aceredo, en Lobios. Un particular alertou ao ver as chamas preto da vía.
Un amplo operativo de extinción, composto por 4 axentes, 7 brigadas e 7 motobombas, ademais do GES de Lobios, desprazouse ao lugar. O principal obstáculo atopado foi o "difícil acceso polo talude" ao piñeiral.
A pesar da proximidade á estrada OU-540, ningún vehículo resultou afectado, aínda que se queimaron aproximadamente tres hectáreas de monte.
O lume foi finalmente controlado ás 7:16 horas, segundo informou Medio Rural. As causas que orixinaron o incendio descoñécense por agora.
