O suceso tivo lugar arredor das 10:00 horas, coincidindo coa hora de entrada escolar. O menor, que presentaba unha brecha, foi atendido no lugar por efectivos de Urxencias Sanitarias. Ao lugar do accidente desprazáronse tamén axentes da Garda Civil tras recibir o aviso.

Este incidente en Lobios non foi o único rexistrado na provincia durante a mañá do luns 11 de maio. O servizo de emerxencias 112 recibiu avisos por outras dúas saídas de vía en diferentes puntos.

Un dos sinistros ocorreu en Ribadavia, na estrada N-120, onde un vehículo envorcou á altura do quilómetro 598. Afortunadamente, a persoa implicada non resultou ferida e non foi necesaria a excarceración. Acudiron ao lugar o GES de Ribadavia, Urxencias Sanitarias 061 e Protección Civil.

Posteriormente, arredor das 11:00 horas, rexistrouse outro accidente en Manzaneda, na aldea de Langullo, en Cesuris. Unha persoa quedou desmaiada despois de que o seu vehículo se saíse da vía. Para atender esta emerxencia, mobilizáronse Urxencias Sanitarias, o GES de Castro Caldelas e Protección Civil de Manzaneda.