O Concello de Gondomar organiza un ano máis o Camiño do Irmandamento, que na súa VII edición busca fortalecer os vínculos entre Galicia e Portugal. Esta iniciativa, que combina paisaxe, deporte e convivencia, terá lugar os días 3 e 4 de outubro de 2026.
O percorrido transfronteirizo atravesará diferentes localidades portuguesas, como Caminha, Vila do Conde e Porto, nun traxecto de máis de 150 quilómetros repartidos en dúas xornadas. O obxectivo principal é promover o encontro entre ambas as dúas localidades irmás e dar a coñecer o patrimonio natural e cultural da rexión.
Debido ás características do trazado, os participantes deberán contar con experiencia en circulación en bicicleta por estrada e unha condición física axeitada para afrontar as etapas.
As persoas interesadas en participar poderán realizar a súa inscrición a través do correo electrónico oficinadeturismo@concellodegondomar.gal ata o vindeiro 8 de setembro. Para máis información, está dispoñible o teléfono 678 874 985.
