Esta situación, que impediu cubrir os turnos programados, afectou principalmente ao Eixo Atlántico (Vigo-Santiago-A Coruña), especialmente nas primeiras horas da mañá. A compañía ferroviaria lamentou a falta de aviso previo por parte dos traballadores, o que dificultou a reubicación de persoal para manter a operativa.
Para minimizar o impacto nos viaxeiros e garantir o dereito á mobilidade, Renfe activou un Plan Alternativo de Transporte por estrada. Ademais, reforzou a atención nas estacións para ofrecer información e asistencia aos usuarios afectados.
“"Renfe lamenta as molestias ocasionadas e reafirma o seu compromiso coa prestación do servizo público ferroviario, traballando para recuperar a normalidade do servizo no menor prazo posible neste contexto de dificultade para a operación dos servizos."
Entre os servizos suprimidos atópanse varias conexións entre Vigo e A Coruña, así como traxectos entre Vigo e Santiago, e entre Santiago e Vilagarcía. A compañía está a traballar para restablecer a normalidade canto antes.
