A xornada laboral deste xoves na planta de automoción de Stellantis Vigo viuse interrompida por un fallo na rede de datos. A parada, que comezou arredor das 9.30 da mañá, estendeuse ata ben entrada a tarde.
A causa do parón foi unha interrupción na subministración da rede de datos, proporcionada por un provedor externo. Esta incidencia afectou unicamente á factoría viguesa do grupo.
A actividade comezou a normalizarse pasadas as 15.00 horas, cando se iniciou o proceso de restablecemento da rede e, consecuentemente, da produción.
