A proba, que se consolidou como unha das máis singulares do calendario internacional, trasladará a adrenalina do downhill ao corazón da cidade, aproveitando a súa orografía e o seu patrimonio urbano. O percorrido partirá da fortaleza de O Castro e finalizará no contorno portuario de A Laxe, nun trazado dun quilómetro cun desnivel de 135 metros.

O director do certame, Joako Ezpeleta, destacou durante a presentación que "pocas competicións explican tan ben o espírito de O Marisquiño como o MTB Downtown, pola súa conexión entre o deporte extremo do máis alto nivel e o corazón da cidade de Vigo".

O trazado deseñado inclúe espazos históricos como a Praza do Rei e rúas emblemáticas como Caracol e Méndez Núñez, ademais de módulos técnicos como saltos e peraltes. Un dos puntos máis espectaculares será o paso pola pasarela elevada que conecta o Casco Vello coas terrazas de A Laxe, a máis de 17 metros de altura.

A organización recomenda cinco puntos estratéxicos para gozar da competición: o Monumento aos Galeones de Rande, a Praza do Rei, a rúa Elduayen, a Praza da Colexiata e a meta na explanada marítima de A Laxe. Reunirá aos mellores especialistas nacionais e internacionais en formato contrarreloxo individual.