Este evento, que celebra o seu terceiro aniversario, desenvolverase na planta cero do centro comercial, xunto ao acceso da rúa Miradoiro, en horario de 11:30 a 20:30 horas. Os visitantes poderán atopar unha ampla variedade de produtos, dende ilustración botánica e acuarela ata bixutería artesanal, cerámica, roupa sostible, impresións 3D e cómics.
“"Levar a arte a espazos cotiáns e facer que sexa accesible para todos. Queremos fortalecer a comunidade artística local e xerar vínculos entre os participantes e co público."
Larissa Lyra, ilustradora e deseñadora gráfica, ademais de impulsora do Vintax Market, subliña a importancia de apoiar o talento local. Destaca que a compra a artesáns e artistas da zona é un "acto político" que inflúe na economía e na sociedade, animando á cidadanía a coñecer de preto o traballo destes profesionais.
A organización do Mona amosou a súa satisfacción pola gran acollida desta edición, á que se sumaron máis de 70 persoas durante o período de inscrición. Debido á elevada demanda, decidiuse ampliar a duración do mercado, que por primeira vez se estenderá durante catro días consecutivos.
O Centro Comercial Gran Vía foi o escenario de seis das nove edicións anteriores do mercado, consolidándose como un espazo estratéxico para achegar a arte local a un público diverso. A imaxe representativa do Mona é o corpo da Mona Lisa cunha cabeza de gaivota, un símbolo da costa olívica.
