A decisión foi ratificada este luns durante unha asemblea na que participaron arredor de 300 traballadores, despois de semanas de crecente tensión coa empresa. O conflito xorde pola ruptura das negociacións para a renovación do convenio colectivo, que expirou o pasado mes de decembro.
Os representantes sindicais de CIG, CCOO e USO explicaron que a dirección da empresa pretende eliminar dereitos vinculados á xubilación parcial, un punto que as centrais e a plantilla consideran “innegociable”.
“"A dirección pretende eliminar dereitos vinculados á xubilación parcial, un dos puntos que as centrais e a plantilla advertiron de que era “innegociable”."
Os traballadores subliñan que o conflito non afecta só á concesionaria e á plantilla, senón tamén ao Concello de Vigo, como administración responsable do servizo. Reclaman a implicación municipal para acadar un acordo, lembrando que o contrato de limpeza supera os 400 millóns de euros e non vence ata o ano 2031.
A convocatoria de folga prodúcese nun momento especialmente delicado, ás portas do verán, cando a produción de residuos aumenta debido á chegada de visitantes e ás altas temperaturas, facendo máis necesaria a eficiencia na recollida.
