A homenaxe, que tivo lugar na Porta do Sol, destacou a figura de Caamaño como unha "atenta lectora da realidade social" e unha firme defensora dos dereitos humanos, da dignidade e da liberdade.

A concelleira Olga Alonso foi a encargada de abrir o acto, subliñando as calidades da autora viguesa. A continuación, o director da ETRAD e presidente da Fundación SonDeSeu, Anxo Pintos, leu o tradicional bando das Letras Galegas, un texto que percorreu a traxectoria vital e profesional de Begoña Caamaño.