A sesión constituínte do novo Claustro da Universidade de Vigo, xurdido das eleccións do pasado 6 de maio, arrincou este luns coa conformación da Mesa de Idade e posteriormente da Mesa do Claustro. Tras estes trámites, procederase á elección dos membros do Consello de Goberno e doutros órganos colexiados.
A Mesa do Claustro, unha vez elixida, deu paso á elección dos membros do Consello de Goberno, para o que foron necesarias catro votacións. Segundo a reitora, Carmen García Mateo, a ampla cantidade de candidaturas presentadas é "síntoma do interese por participar nos órganos colexiados".
No sector PDI-A, os oito membros elixidos para o Consello de Goberno son Coral del Río, María Dolores Fernández Fustes, Mercedes Gallardo, Francisco Javier García Cutrín, Alma Mª Gómez Rodríguez, Uxío Pérez Rodríguez, Adela Sánchez Moreiras e Juan Carlos Surís. Do sector PDI-B foron elixidos Manuel Casal Guisande e Estefanía Paredes.
Polo sector de estudantes, haberá oito representantes: Anxo Gesto, Pedro Lago, Sandra María Martínez Gómez, Andrea Moreno, José Luis Núñez Rodríguez, Jennifer Rodríguez Gómez, Pedro Sampaio e Juan Santos. Finalmente, os dous representantes do sector PTXAS serán María del Carmen Álvarez Veleiro e Ana Isabel González Penín.
Ademais, sumaranse 15 representantes escollidos polo Claustro entre as persoas que desempeñan a dirección de centros, unidades docentes ou de I+D+i. Foron elixidos Susana Álvarez González, María Dolores Garza, Mª Asunción Longo, Mª Isabel Mociño, Mª Concepción Paz Penín, Mª de los Ángeles Peña, Mª Rosa Pérez Rodríguez, Mª del Carmen Sieiro, Ignacio Bajo Palacio, Enrique Costa Montenegro, José Fariña, Pablo Grande, Jesús Hernández Sánchez, José Carlos López Ardao e Jesús Vázquez Abad.
Tamén se elixiron os membros da Comisión Electoral. No sector PDI-A, foron elixidos María Dolores Fernández Fustes, Francisco Javier García Cutrín e Francisco Javier Rodríguez Rajo. No PDI-B, Manuel Casal Guisande foi o único candidato. No sector PTXAS, resultaron elixidos Carina Gámez, Miguel Iglesias Van Der Woude e José Manuel Soñora. Quedaron vacantes tres postos do sector estudantil.
A sesión tamén aprobou 33 membros da Comisión para o estudo da adaptación estatutaria á LOSU e seis catedráticos para a Comisión de Reclamacións. Nos Consellos de Campus, en Pontevedra elixiuse a Eva Mª Lantarón, Mª Elena Martínez Figueira, Cristina Varela, Román Corbato e Uxío Pérez Rodríguez (profesorado), e María Sixtina Canabal (estudantes). No Consello de Campus de Ourense, os docentes elixidos foron Nazaret Blanco, Paula Pérez Rodríguez, Gil Garrote Velasco, Rubén González Rodríguez e Francisco Javier Rodríguez Martínez, e os estudantes Raquel Iglesias, Andrea Moreno, Jennifer Rodríguez Gómez, José Luis Níñez Rodríguez e Manuel Torrecilla.
Na Comisión asesora da Valedoría Universitaria, Juan Santos foi elixido como representante do estudantado e María Cristina Rodríguez Cendón polo PTXAS, quedando deserto o posto do PDI.
“"Ningún proxecto importante se constrúe en solitario. Teño a sorte de presentar esta candidatura xunto a un equipo formado por estudantes dos tres campus que comparten unha mesma forma de entender a representación estudantil: dende o compromiso, o respecto e as ganas de traballar."
Finalmente, Sandra María Martínez Gómez, presidenta da Delegación de Alumnos/as da Facultade de Ciencias Xurídicas e do Traballo, foi elixida nova presidenta do Consello de Estudantes da Universidade de Vigo (Ceuvi), substituíndo a Juan Santos. Martínez Gómez apostou por afrontar os retos "con proximidade, comunicación, formación, responsabilidade e, sobre todo, traballando xuntos", e destacou a importancia de que o alumnado coñeza e confíe nos seus representantes.
