A Consellería de Sanidade informou este mércores da detección dunha cantidade excesiva de materia fecal nas analíticas da praia da Calzoa, en Vigo. Os controis, realizados o pasado luns 24 de agosto, revelaron unha concentración de E. coli superior aos 2.005 unidades na parte dereita do areal e 831 na zona esquerda, habilitada para cans, superando amplamente os niveis seguros para o baño.
Esta situación prodúcese despois de que este martes se desaconsellase o baño na zona central de Samil, o areal máis concorrido da cidade, e na praia de A Punta, debido a episodios similares detectados nas analíticas do domingo 23 de agosto. O Concello atribuíu estas incidencias ás intensas choivas recentes.
Para a praia de A Punta, trátase do segundo episodio desta natureza no verán. En total, as praias de Vigo xa rexistraron varios incidentes de contaminación fecal este verán, incluíndo praias das illas Cíes, Alcabre e Teis.
