O evento reunirá a comerciantes locais nun mercado exclusivamente de comercio, ofrecendo a veciños e visitantes a oportunidade de descubrir e adquirir produtos variados nunha contorna animada e con fío musical.
A inauguración oficial terá lugar o sábado 15 de agosto ás 11:15 horas. O mercado abrirá o sábado de 11:00 a 21:00 horas de forma ininterrompida, e o domingo 16 de 12:00 a 21:00 horas, para permitir o desenvolvemento da Carreira Pedestre de Baiona.
Con motivo deste evento, a zona peonil da Rúa Carabela La Pinta permanecerá cortada ao tráfico dende o mediodía do venres 14 de agosto ata a mañá do luns 17 de agosto.
