A Garda Civil iniciou a procura dos autores dun atraco cometido hoxe nunha oficina bancaria de Pazos de Borbén. Os feitos producíronse sobre as 14:00 horas, cando dous individuos armados e encapuchados accederon á sucursal, que estaba a piques de pechar.
Os atracadores utilizaron unha pistola e unha arma branca para ameazar aos empregados e fuxir co botín. Polo momento, non transcenderon máis datos sobre o ocorrido.
Non é a primeira vez que a sucursal rexistra un atraco.
En 2023 produciuse outro asalto similar, no que os delincuentes, empregando un método parecido e maniatando aos empregados con bridas, lograron levarse 30.000 euros. Foron detidos meses despois.
